Kontent qismiga oʻtish

Ildar Magdeev

Vikipediya, ochiq ensiklopediya
Ildar Magdeev
Shaxsiy maʼlumot
Toʻliq ismi Ildar Magdeev
Tavallud sanasi 11-aprel 1984-yil (1984-04-11) (40 yosh)
Tavallud joyi Buxoro, Oʻzbekiston SSR
Boʻyi 174 cm (5 ft 8 1⁄2 in)
Ampluasi Yarim himoyachi
Professional faoliyati*
Yillar Jamoa Isht. (Gol.)
1999—2001 Oʻzbekiston Buxoro 26 (1)
2002—2010 Oʻzbekiston Paxtakor 127 (5)
2011 Xitoy Tsindao Chjunnen 11 (0)
2011 Oʻzbekiston Paxtakor 1 (0)
2012 Oʻzbekiston Lokomotiv 8 (0)
2013 Oʻzbekiston Oqtepa - (0)
2013 Oʻzbekiston Dinamo 10 (-)
2014 Oʻzbekiston Oqtepa - (-)
Milliy terma jamoa
2002—2012 Oʻzbekiston 23 (0)
*Professional klublardagi gollari (ichki chempionat)

Ildar Magdeev (ruscha: Магдеев, Ильдар; 1984-yil 11-aprelda tugʻilgan) – oʻzbekistonlik nafaqadagi futbolchi[1].

Futbolchilik faoliyati

[tahrir | manbasini tahrirlash]

Ildar 15 yoshida „Buxoro“ klubi tarkibida kattalar futbolida debyut qilgan. Bu klubdagi dastlabki ikki mavsumda u Oʻzbekiston chempionatida bor yoʻgʻi 2 ta oʻyinda maydonga tushgan boʻlsa, 2001-yilda 22 ta oʻyinda qatnashgan.

2002-yilda Magdeev oʻsha paytda mamlakatning soʻzsiz eng kuchli klubi boʻlgan „Paxtakor“ klubiga oʻtgan. 2002—2007 yillarda „Paxtakor“ Magdeev bilan ketma-ket olti marta „oltin dubl“ga erishgan, Oʻzbekiston chempionati va kubogini qoʻlga kiritgan. 2008—2010-yillarda uch marta kumush medal sohibi boʻlgan, 2009-yilda esa navbatdagi kubokni qoʻlga kiritgan.

2009 va 2010-yillarda u Rossiyaning „Rubin“[2] va „Ural“[3] jamoalarini qishki koʻrigiga borgan. 2011-yilda Xitoyning „Qingdao Zhongneng“ klubida oʻynagan. Vataniga qaytgach, „Paxtakor“ jamoasi bilan shartnoma imzolagan, ammo oʻyin amaliyotiga ega boʻlmadi va 2012-yilning yozida Toshkentning „Lokomotiv“ jamoasiga koʻchib oʻtgan[4]. Lokomotiv klubi tarkibida chempionatda bronza medallarini qoʻlga kiritgan. Keyingi mavsumda Toshkentning boshqa bir klubi, "Oqtepa"da birinchi ligada toʻp surgan[5]. Yozgi transfer oynasi vaqtida Samarqandning „Dinamo“ klubiga oʻtgan[6]. 2014-yilda yana „Oqtepa“ safida oʻynab, Oʻzbekiston kubogi chorak finaliga qadar yetib borgan[7].

Xalqaro faoliyati

[tahrir | manbasini tahrirlash]

2002-yilning 21-avgustida Ozarbayjonga qarshi oʻrtoqlik uchrashuvida Oʻzbekiston milliy terma jamoasi safida debyut qilgan[8].

Ildar 2004-yilgi Osiyo Kubogida qatnashgan, ikki oʻyinda, Turkmanistonga qarshi guruh bosqichida va Bahrayn bilan chorak finalda maydonga tushgan. 2007-yilda Osiyo Kubogi final turnirida ham terma jamoaga kiritilgan, biroq birorta ham oʻyinda maydonga tushmagan[9].

Terma jamoa tarkibidagi soʻnggi oʻyinini 2012-yilning 29-fevralida Yaponiyaga qarshi oʻtkazgan. Magdeev terma jamoada jami 23 ta oʻyin oʻtkazgan. Rasmiy oʻyinlarda terma jamoa safida gol ura olmagan, ammo 2009-yilning yanvarida Sankt-Peterburgning „Zenit“ klubi bilan sinov oʻyinida gol urgan[10].

Murabbiylik faoliyati

[tahrir | manbasini tahrirlash]

2021-yil Oʻzbekiston U-18 terma jamoasida bosh murabbiylik qilgan[11].

Yutuqlari

[tahrir | manbasini tahrirlash]
  • Oʻzbekiston chempioni (6): 2002, 2003, 2004, 2005, 2006, 2007
  • Oʻzbekiston kubogi sohibi (7): 2002, 2003, 2004, 2005, 2006, 2007, 2009

Xalqaro musobaqalar

[tahrir | manbasini tahrirlash]
  • MDH chempionlar kubogi: (1) 2007

Havolalar

[tahrir | manbasini tahrirlash]
  1. ↑ „Жаҳон чемпионатида қатнашган, "Пахтакор" билан совринларни ютган Ильдар Магдеев ҳозир қаерда?“ (2024-yil 13-fevral).
  2. ↑ „Полузащитник сборной Узбекистана находится на просмотре в «Рубине»“. 12-avgust 2014-yilda asl nusxadan arxivlangan. Qaraldi: 11-avgust 2014-yil.
  3. ↑ „Полузащитник «Пахтакора» не подошел «Уралу»“. 24-sentabr 2015-yilda asl nusxadan arxivlangan. Qaraldi: 11-avgust 2014-yil.
  4. ↑ „«Пахтакор» покинули сразу пять игроков“. 12-avgust 2014-yilda asl nusxadan arxivlangan. Qaraldi: 11-avgust 2014-yil.
  5. ↑ „Ildar Magdeev yana oliy ligaga qaytishi mumkin“ (2013-yil 12-iyul).
  6. ↑ „Ildar Magdeev yana “Dinamo”ga qaytadi“ (2014-yil 21-iyul).
  7. ↑ „Кубок Узбекистана. Превью четвертьфинала“ (deadlink). 2014-yil 12-avgustda asl nusxadan arxivlangan. Qaraldi: 11-avgust 2014-yil.
  8. ↑ „FIFA U-20 World Cup • 28 Nov 2003 • 16:30 • Sharjah Stadium“ (2024-yil 14-fevral).
  9. ↑ „Shatskikh headlines Uzbek squad for AFC Asian Cup™“ (17/06/2007 00:38).
  10. ↑ „Zenit“ proigral uzbekskim futbolistam 0:1[sayt ishlamaydi]
  11. ↑ „O‘zbekistonlik yoshlar Misrda o‘tadigan “Arab Cup U-20” xalqaro turnirida ishtirok etadi“ (2021-yil 10-iyun).

Manbalar

[tahrir | manbasini tahrirlash]
"https://uz.wikipedia.org/w/index.php?title=Ildar_Magdeev&oldid=5275112" dan olindi